Skóladagatal
Skóladagatal Vinagarðs er unnið í samstarfi kennara og stjórnar leikskólans. Skóladagatalið byggir í grunninn á skóladagatali Sambands íslenskra sveitarfélaga. Endilega kynntu þér skóladagatalið og tengdu það við þitt eigið dagatal með einföldum hætti.
- 17nóvAfmæli VinagarðsÍ dag
- 20nóvDagur mannréttinda barna
- 29nóvJólaball foreldrafélagsins
Lífið í leikskólanum
Hvað segja foreldar um Vinagarð?
Eldri sonur okkar er nú á sínum fjórða vetri á leikskólanum og sá yngri byrjaði í haust. Við höfum verið einstaklega ánægð allan tímann í þessu hlýlega umhverfi með frábærum kennurum. Á Vinagarði er unnið gott, metnaðarfullt og skemmtilegt starf með börnunum og strákunum okkar líður vel.
Guðmundur Karl og Helga
Vinagarðsforeldrar
Ég er einstaklega þakklát fyrir að bæði börnin mín hafa fengið að alast upp að hluta á Vinagarði. Þakklætið snýr fyrst og fremst að yndislegu starfsfólki skólans þó að öll umgjörð og aðstaða er einnig til fyrirmyndar.
Á Vinagarði starfar duglegt, metnaðarfullt og einstaklega umhyggjusamt fólk sem auðgar með nærveru sinni, hlýju og fagmennsku líf þeirra barna sem fá að vera í kringum það. Aðferðir skólans við að örva skilningsvit og forvitni barnanna eru aðdáunarverðar og dugnaður starfsfólks við að búa til dýrmætar upplifanir fyrir börnin er ótrúlegur.
Báðum börnunum mínum hefur liðið mjög vel á Vinagarði og að lokinni leikskólagöngu hóf sonur minn skólagöngu sína með gott veganesti á borð við falleg gildi, sterka félagslega getu og ekki var það verra að hann var orðin fluglæs þökk sé leikskólanum.
Jóhanna Klara Stefánsdóttir
Vinagarðsforeldri
Á Vinagarði fer fram metnaðarfullt og faglegt starf þar sem börnunum er mætt á hverjum degi af kærleik og virðingu. Þakkir fyrir að hugsa alltaf svo vel um börnin okkar 🩷
Margrét Halldórsdóttir
Ég er ótrúlega þakklát að sonur minn hafi fengið pláss á Vinagarði KFUM og KFUK. Allt starf sem þar er unnið er unnið af heilum og hlýjum hug, með velferð og hagsmuni barnanna að leiðarljósi. Það skín í gegn hversu mikil alúð, umhyggja og fagmennska einkennir starfsemina. Við gætum ekki verið ánægðari.
Sigurbjörg Vignisdóttir
Innritun í Vinagarð
Við tökum börn inn í Vinagarð eftir aldri eins og aðrir leikskólar í Reykjavík. Innritun fer fram í gegnum Völu og er sameiginleg þvert á borgina. Aðalinnritun fer fram í febrúar og mars fyrir næsta skólaár en einnig tökum við inn reglulega í pláss sem losna utan þess tíma. Við getum einnig tekið inn í nokkur pláss fyrir börn utan Reykjavíkur. Þið getið sótt um hér fyrir barnið ykkar.